Sport24.az
"Millimizin Belarus və Haiti yığması ilə oyunlarında uğurlu çıxış edəcəyinə inanıram". Bu sözləri Sport24.az-a açıqlamasında Azərbaycan millisinin sabiq müdafiəçisi Zaur Həşimov deyib.
Həşimov Belarus və Haiti yığması ilə yoldaşlıq oyunlarında nəticənin ön planda olmayacağını da söyləyib:
"Təbii ki, bu qarşılaşmalarda nəticə ön planda olmayacaq. Lakin istənilən halda meydana qələbə üçün çıxmalıyıq. Bu matçlar futbolçuların milli təcrübəsinin artması, komandanın komplektləşdirilməsi baxımından vacibdir. Yığmaya bir neçə gənc oyunçunun dəvət alması da müsbət hal kimi dəyədləndirilə bilər. Onların millidə debüt etməsi yaxşı olar. Yoldaşlıq oyunları olmasına baxmayaraq maraqlı görüşlərə şahidlik edəcəyik. Millimizə hər qarşılaşmada uğurlar arzu edirəm".
Qeyd edək ki, yığma martın 22-də Haiti, bundan üç gün sonra isə Belarusla üz-üzə gələcək.
