Sport24.az
"Komandanın şəraitinə, maliyyəsinə və hazırkı heyətə görə yaxşı nəticə qazanmışıq. Ehtiyat oyunçular skamyamız çox kasaddır. Komanda bu mövsüm çox əziyyət çəkib". Bu sözləri Sport24.az-a açıqlamasında "Zaqatala"nın baş məşqçisi Rüstəm Məmmədov deyib.
I Liqa təmsilçisinin çalışdırıcısı komandanın sponsorunun olmadığından şikayətlənib:
"Kluba kömək edən Musa Qurbanov və Qurban Qurbanovdur. Bir ara sponsor olacağını dedilər. Sonradan klub rəhbərliyindən bildirdilər ki, onlar hansısa şərtləri yerinə yetirmədilər. Klubun daxilində olanlar qışda nə əziyyətlərdən keçdiyimizi yaxşı bilir. Geridə qalan matçlara baxsaq, 10 heç-heçəmiz var. Bu oyunların 5-də qələbə qazansaydıq, turnir cədvəlində mövqedə olardıq". Mövsümü ilk "3-lük"də bitirə bilməməyimizin əsas səbəbi məlumdur. Malliyə çatışmazlığı və istədiyimiz transferləri gerçəkləşdirə bilməməyimiz. Bir neçə transfer edə bilsəydik, mükafatçılar arasında olacaqdıq. Əlavə olaraq komandanı bir futbolçusu tərk etdi, 3-ü isə zədələndiyin mövsümü erkən bitirdi".
Qeyd edək ki, "Zaqatala" 25 turdan sonra 34 xalal 4-cü sıradadır. Bölgə təmsilçisi son turda Premyer Liqaya vəsiqə qazanan "Karvan"a qalib gəlib – 3:0.
