Sport24.az
"Rəqibi və heyətdə yer alan futbolçuları yaxından tanımırıq deyə, mövsümün ilk oyunu həmişə çətindir. Hansı üslubda oynayacaqlarını bilmirsən və bu üzdən çətin olur". Bu sözləri Sport24.az-a açıqlamasında Birinci Liqa təmsilçisi "Zaqatala"nın baş məşqçisi Rüstəm Məmmədov deyib.
Mövsümə 3 xal ilə başlayan komandanın baş məşqçisi "Cəbrayıl" ilə oyun haqda fikirlərini bölüşüb:
"Rəqibin gənc, istəkli futbolçuları var idi. mübarizə əzmi yüksən olan kollektivdir. Komandamın çıxışından razı qaldım. Bəli, səhvlərimiz var idi, üzərində işləməli olduğumuz məqamlar çoxdur. Bizim komanda çox gec yığıldı, elə futbolçular var ki, 2-3 gün məşq edib, matça çıxdılar. Hələ komandaya tam uyğunlaşmayıblar. Fiziki və taktiki baxımdan çətinliyimiz var. Oyundan-oyuna daha yaxşı olacayıq. Qalib gəlmişiksə, nəticəyə görə razıyıq. Uşaqlar verilən tapşırıqları yerinə yetirməyi bizi məmnun edir. Futbolçuların fiziki durumundan isə narazıyam. Bu da onlardan asılı deyil. Dediyim kimi, biz çox gec yığışdıq. Vaxtımız çox olmayıb. Futbolçuların bir-birinə uyğunlaşması müəyyən vaxt tələb edir. Çempionat gərgin olacaq. Onsuz da son illərdə gərginlik davam edir, liqada aşkar favorit və ya autsayder yoxdur".
Qeyd edək ki, "Zaqatala" "Cəbrayıl" matçı meydan sahiblərinin 1:0 hesablı qələbəsi ilə başa çatıb.
