Sport24.az
"Baku Sportinq"lə oyunda 2 xal itirdik. Oyunun böyük hissəsini hesabda öndə olsaq da, sonda istədiyimizə nail ola bilmıdik". Bu sözləri Sport24.az-a açıqlamasında "Zaqatala"nın baş məşqçisi Rüstəm Məmmədov deyib.
O, komandasının I Liqanın 4-cü turunda "doğma divarlar" arasında "Baku Sportinq"lə heç-heçə etdiyi matçı şərh edib:
"Son 15-20 dəqiqə müdafiədə daha diqqətli və səbrli olsaydıq, hesab fərqli ola bilərdi. Rəqibimiz 3 oyuna 9 qol vurmuşdur. Çox keyfiyyətli komandaya qarşı oynadıq. Buna qarşı hazırlıq görmüşdük. Birinci hissədə biz, ikinci hissə "Baku Sportinq" yaxşı çıxış etdi. Ümumilikdə hər iki komanda üçün layiqlisi heç-heçə idi. İstədiyimiz vaxtda bir araya gələ bilməməyimizi və bəzi futbolçuların kollektivə gec qoşulduğunu nəzərə alsaq, 4 oyuna 7 xal heç də pis göstərici deyil. Amma turnir cədvəlində yuxarı yerlər uğrunda mübarizə apararırsıqsa, təbii ki, heç-heçədən razı qala bilmərik".
Qeyd edək ki, 4 turdan sonra aktivində 7 xal olan "Zaqatala" turnir cədvəlinin 5-ci pilləsində qərarlaşıb.
