Sport24.az
"Təlim-məşq prossesinə nə vaxt başlayacağımızı bilmirik. Buna səbəb maddi vəziyyətimizin pis olmasıdı. Amma rəhbərliklə ümumi razılığa gəlmişik ki, iyulun 25-i avqustun 1-i arası toplaşacağıq. Onsuz da maddi cəhətdən korluq çəkirik, toplanışa tez başlamağın mənası yoxdu". Bu sözləri Sport24.az-a açıqlamasında "Zaqatala"nın baş məşqçisi Rüstəm Məmmədov deyib.
Zaqatalalı mütəxəssis maddi cəhətdən sıxıntı yaşamalarına baxmayaraq, yeni mövsümlə bağlı nikbin fikirdədi: "Düzdü, maddi cəhətdən əziyyət çəkirik. Buna baxmayaraq, sponsor axtarışları davam edir. Pessimizmə qapılmaq istəmirik. Hər halda vəziyyətimiz ötən mövsümdə daha pis idi. Hələlik elə də çıxılmaz şəraitdə deyilik. Sıralarımızı tərk edənlər olsa da, qalanlar da var. Həmçinin danışıq apardığımız oyunçular da yetərincədi. AFFA yardımından başqa əlavə vəsait ayrılsa, daha da iddialı komanda formalaşdıra biləcəyik və ilk "3-lüy" uğrunda mübarizə aparacağıq".
Qeyd edək ki, Şimal-Qərb təmsilçisi ötən mövsümü I Liqada 6 pillədə başa vurub.
ABDULLA İSMAYILOĞLU
