Sport24.az
"Bizim bəlli büdcəmiz var. Ona görə də istədiyimiz yerli oyunçuları transfer etməkdə çətinlik çəkirik. Artıq elə bir vəziyyətdir ki, I Liqa ilə elita arasında demək olar, qiymət fərqi qalmayıb. Belə olduqda məcbur olub heyətə əcnəbi futbolçu cəlb edirik". Bu sözləri Sport24.az-a açıqlamasında "Zaqatala"nın baş məşqçisi Rüstəm Məmmədov deyib.
Məmmədov bu günlərdə müqavilə bağladıqları legioner barədə də söz açıb: "Maten Qahremani xeyli vaxtdı bizimlədi. O, 2022/23 mövsümündə də bizim heyətdə yer alıb. Sadəcə, futbolçunun ölkəyə giriş-çıxış məsələsində problemlər olduğuna görə ötən mövsüm onunla rəsmi müqavilə bağlaya bilmədik. Maten bir müddət ölkəmizin minifutbol çempionatında da çıxış edib. Biz də onu məhz həmin çempionatda bəyənmişik. Fikrimcə, komandamıza faydalı olacaq. Matenin uyğunlaşma ilə bağlı da problemi yoxdu. Azərbaycanda dilində də sərbəst danışır".
Qeyd edək ki, bir neçə gün öncə I Liqa təmsilçisi iranlı Maten Qahremani ilə bir illik müqavilə bağlayıb.
ABDULLA İSMAYILOĞLU
