Sport24.az
"Rəhbərliyin sponsorla görüşü baş tutmadı". Bu sözləri Sport24.az-a açıqlamasında "Zaqatala"nın baş məşqçisi Rüstəm Məmmədov deyib.
Mətbuatda yayılan xəbərlərə görə, TƏBİB-in sədri Vüqar Qurbanov kluba dəstək olmaq üçün 2-3 şirkətlə danışıq aparır. Mütəxəssis bu xəbərə də münasibət bildirib:
"Yəqin ki, bundan sonra da görüş olmayacaq. Vəziyyət ötənilki kimi qalacaq. Hələ ki, yeni müqavilə imzalamışam. Şaban Şirdanov görüşlə bağlı Bakıya gedib. Qayıdandan sonra üz-üzə söhbət edib məsələyə aydınlıq gətirəcəyik. TƏBİB-in sponsorumuz olacağını deyə bilmərəm. Bəli, sədr Vüqar Qurbanov komandaya dəstək üçün hansısa 2-3 şirkətlə danışıq aparır".
Məmmədov büdcənin müəyyənləşməməsi səbəbindən heyəti formalaşdıra bilmədiklərini də vurğulayıb:
"Komandanın heyəti ilə bağlı yenilik yoxdu. Ötən gün öz aramızda ikitərəfli oyun oynadıq. İndi isə futbolçuları 3 günlük istirahətə buraxmışıq. 3 gün ərzində nə məlumat olsa, futbolçularla əlaqə saxlayıb müqavilə məsələləri barədə danışacağıq. Rəhbərlikdən büdcə ilə bağlı xəbər gözləyirik. İlkin Qırtımov da bizi gözləyir. Ona təklif olunan məbləğdən çox şey asılıdır. Təklif onu razı salsa, müqavilə imzalayacayıq".
Qeyd edək ki, "Zaqatala" 2024/2025 mövsümünü 34 xalla beşinci pillədə başa vurub.
