Sport24.az
"Fiorentina"nın futbolçusu Nikolo Zaniolo xoşagəlməs hadisə ilə gündəmə gəlib. Sport24.az xəbər verir ki, yarımmüdafiəçi "Roma-U20" – "Fiorentina-U20" oyunundan sonra paltardəyişmə otağına gedərək gənc oyunçuları danlayıb.
Onun "Roma"nın iki futbolçusunu da vurduğu iddia edilir.
İtaliya Futbol Federasiyası İntizam Komitəsi 25 yaşlı oyunçu haqda araşdırmaya başlayıb. Zaniolo isə xəbərləri təkzib edib:
"Matçdan sonra paltardəyişmə otağına gedib komandamın oyunçularını təbrik etdim. Daha sonra isə rəqib oyunçulara "salam" vermək istədim, ancaq məni təhqir etdilər. Buna baxmayaraq, məsələnin böyüməməsi üçün ordan ayrıldım".
Zaniolo bu mövsüm 36 oyunda 3 qol vurub, 3 məhsuldar ötürmə edib.
