Idman.biz
Albaniya "Eqnatiya"sında çıxış edən Azərbaycan millisinin futbolçusu Zamiq Əliyev klubunu dəyişə bilər.
Bunu İdman.biz-ə 24 yaşlı müdafiəçinin özü deyib.
O bildirib ki, yaxın zamanda karyerası ilə bağlı qərar verməyi planlaşdırır. Əliyevin sözlərinə görə, xidmətində "Top-5" liqalarının təmsilçiləri də maraqlıdır: "Rusiya, Ukrayna, Kipr, Belçika, Portuqaliya və İtaliyanın yüksək liqa klublarından təkliflər var. Bir neçə komanda ilə danışıqlar gedir. Millinin heyətində Macarıstanla matçı oynadıqdan sonra menecerimlə danışacağıq və ən yaxşı qərarı verməyə çalışacağıq".
Qeyd edək ki, son mövsümdə Albaniya təmsilçisinin formasını geyinən futbolçunun "Eqnatiya" ilə müqaviləsi 2027-ci il iyunun 30-na qədərdir. O, debüt ilində ölkə çempionu olub və Albaniya Superkubokunu qazanıb.
Murad Abdullazadə
İdman.biz
