Sport24.az
Fransanın PSJ klubunun və Ukrayna milli komandasının müdafiəçisi İlya Zabarnıy DÇ-2026-nın seçmə mərhələsinin D qrupunda Fransa (5 sentyabr) və Azərbaycan (9 sentyabr) komandalarına qarşı keçirəcəkləri oyunlarla bağlı fikirlərini bölüşüb. Sport24.az xəbər verir ki, "tribuna.com"a açıqlama verən müdafiəçi millimizə qarşı görüşün çətin keçəcəyini bildirib:
"Həqiqətən, bu matçları səbirsizliklə gözləyirəm. Onlar həm bizim, həm də bütün Ukrayna üçün çox vacibdir. Ona görə də çox yaxşı hazırlaşacağımızı gözləyirəm. Çox çətin rəqibimiz var, amma onlara qarşı oynaya bilərik. Səfərdə Azərbaycana qarşı ikinci oyunumuz da var. Bizi çətin görüş gözləyir. Çünki rəqib də çətindir. Hər şeyi sona buraxmamaq üçün indi xal almalıyıq".
