Sport24.az
"Yuventus"un baş məşqçisi İqor Tudor komandanın hücumçusu Duşan Vlahoviçin mümkün gedişi haqda danışmaq istəməyib. Sport24.az xəbər verir ki, xorvat mütəxəssis Vlahoviçin məsələsinə şərh verməyib:
"Mən transfer bazarında baş verənlər haqda danışmıram. Duşan son görüşdə meydana ehtiyatdan çıxdı. Onun oyununu çox bəyəndim. O, hələ də "Yuventus"un oyunçusudur və bizə çox kömək etdi. Başqa məsələ haqda danışmağa ehtiyac görmürəm".
Qeyd edək ki, avqustun 16-da "Atalanta" ilə yoldaşlıq görüşündə Vlahoviç əvəzedicidən meydana çıxıb və qol vurub, bunun sayəsində də "Yuventus" 2:1 qələbə qazanıb.
