Sport24.az
İtaliyanın "Yuventus" klubunun heyətində ciddi itki baş verib. Sport24.az xəbər verir ki, A Seriyası təmsilçisinin müdafiəçisi Xuan Kabal sıradan çıxıb.
Bu barədə klubun mətbuat xidməti məlumat yayıb.
23 yaşlı futbolçunun dizinin çarpaz bağlarında yırtıq aşkarlanıb. O, mövsümün qalan hissəsində meydana çıxa bilməyəcək.
Qeyd edək ki, "Yuventus" Xuan Kabalı mövsümün əvvəlində "Verona"dan transfer edib. Kolumbiya millisinin üzvü olan sol cinah müdafiəçisi Turin təmsilçisinin heyətində meydana çıxdığı 9 rəsmi matçda 1 qol ötürməsi ilə yadda qalıb.
