Idman.biz
"Yuventus"un baş direktoru Damien Komolli 25 yaşlı hücumçu Dusan Vlahoviçin müqaviləsinin uzadılması barədə danışıb.
İdman.Biz bildirir ki, fransalı Damien Komolli bu gün Turinin "Yuventus" klubunun baş direktoru təyin edilib.
"Mövsümün sonunda bu barədə müzakirə aparmaq üçün Dusan Vlahoviçlə razılığa gəldik. Keçən yaydan bəri oyunçu ilə aramızda möhkəm bir razılaşma var", - deyə Komolli bildirib.
Bu mövsüm oyunçu "Yuventus"da bütün yarışlarda 15 oyunda meydana çıxıb, altı qol vurub və bir məhsuldar ötürmə edib. 25 yaşlı hücumçunun klubla hazırkı müqaviləsi 30 iyun 2026-cı ilə qədərdir. "Transfermarkt" portalındakı məlumata görə, onun bazar dəyəri 35 milyon avrodur.
