Sport24.az
"Sportinq"in yarımmüdafiəçisi Morten Yulman "Yuventus"un maraq dairəsinə düşüb. Sport24.az xəbər verir ki, bu barədə "Tuttosport" məlumat yayıb.
Turin təmsilçisi 25 yaşlı futbolçunu bu yay "rənglərinə bağlamağı" düşünür. "Yuventus"un baş məşqçisi İqor Tudor Lissabon klubunun kapitanının universal oyun tərzini yüksək qiymətləndirir. Futbolçunun agentləri ilə artıq ilkin danışıqlar aparılıb. İtalyanlar yarımmüdafiəçiyə ilə 3,3 milyon avro maaşla 5 illik müqavilə təklif etməyə hazırdır ki, bu da onun hazırkı məvacibindən iki dəfə artıqdır.
Ancaq transferin baş tutmasına əsas maneə Yulmanın qiymətidir. Lissobon təmsilçisi onu 70 milyon avro dəyərində qiymətləndirir. "Yuventus" isə ilkin mərhələdə 35 milyon avro və gələcək satışdan faiz təklifi ilə danışıqlara başlamağı planlaşdırır. Yulmana daha öncə "Mançester Yunayted" də maraq göstərmişdi.
Qeyd edək ki, Danimarka millisinin üzvü son mövsümdə "Sportinq"in heyətində 49 oyunda iştirak edib, 4 qol və 4 məhsuldar ötürmə ilə yadda qalıb.
