Idman.biz
"Yuventus"un futbol əməliyyatları direktoru Corco Kyellini klubun 20 yaşlı hücumameylli yarımmüdafiəçi Kənan Yıldızla yeni müqavilə üzərində işlədiyini açıqlayıb.
İdman.Biz-in məlumatına görə, bu barədə jurnalist Fabritsio Romano sosial media platformasında məlumat verib.
"Kənan Yıldız üçün yeni müqavilə üzərində işləyirik, ona görə də sakit olun. Bütün tərəflərin niyyəti eynidir; birlikdə davam etməyi planlaşdırırıq", - deyə Kyellini bildirib.
Oyunçunun hazırkı müqaviləsi 2029-cu ilin yayına qədərdir. Daha əvvəl "Çelsi", "Arsenal" və "Real Madrid"in Yıldızla maraqlandığı bildirilirdi.
Bu mövsüm yarımmüdafiəçi "Yuventus"da 18 oyun keçirib, altı qol vurub və altı məhsuldar ötürmə edib.
