Sport24.az
"Yuventus" Kenan Yıldızı uzun müddət komandada saxlamağı planlaşdırır. Sport24.az xəbər verir ki, A Seriyası nəhəngi türk futbolçunun 2029-cu ilin yayına kimi nəzərdə tutulan müqaviləsinin müddətini daha 1 il uzadacaq.
Bu barədə "La Gazzetta dello Sport" nəşri məlumat yayıb.
Turin təmsilçisi Kenanın maaşını da artıracaq. Klub 20 yaşlı vingerin 1,5 milyon avro olan məvacibini 4 milyon avroya qaldıracaq.
Qeyd edək ki, Kenan Yıldız 2022-ci ilin yayından "Yuventus"da çıxış edir. Türkiyə millisinin üzvü hazırda davam edən klublararası dünya çempionatında meydana çıxdığı 2 oyunda 3 qol və 1 məhsuldar ötürmə ilə yadda qalıb.
