Idman.biz
Çempionlar Liqasının 2025/2026-cı il mövsümünün ümumi mərhələsinin ilk turunda Turinin "Yuventus"u və Dortmund "Borussiya"sı heç-heçə oynayıb.
İdman.biz bildirir ki, qarşılaşma 4:4 hesabı ilə başa çatıb və bütün qollar ikinci hissədə vurulub. "Opta Sports" xəbər verir ki, bu, turnirin tarixində ən məhsuldar ikinci hissədir.
Turin klubunun qollarını Kenan Yıldız, Duşan Vlaxoviç (iki dəfə) və Lloyd Kelli vurub. Dortmundluların qollarına Kərim Adeyemi, Feliks Nmeça, Yan Kouto və Rami Bensebaini imza atıb.
Ötən mövsüm İtaliya nəhəngi yarışın 1/8 finalında oynamaq hüququ üçün pley-off mərhələsinə yüksəlib və burada PSV-yə ümumi hesabda uduzub (əlavə vaxtda 3:4). "Borussiya" 1/4 final mərhələsində "Barselona"ya ümumi hesabda 3:5 hesabı ilə uduzaraq turniri tərk edib.
İdman.biz
