Sport24.az
"Yuventus" A Seriyasının 28-ci turunda "Atalanta"ya uduzmaqla (0:4) 21-ci əsrin antirekordunu müəyyənləşdirib. Sport24.az xəbər verir ki, bu barədə "Opta" məlumat yayıb.
Bu, Turin təmsilçisinin 21-ci əsrdə İtaliya çempionatında dörd top fərqi ilə ilk ev məğlubiyyətidir. Bundan əvvəl İtaliya çempionatında "Yuventus"u evdə belə hesabla məğlub edən sonuncu klub "Torino" olub. Həmin qarşılaşma 1967-ci ilin oktyabrın 22-nə təsadüf edib.
Qeyd edək ki, "Yuventus" 28 turdan sonra 52 xalla turnir cədvəlində dördüncü pilləsində qərarlaşıb. "Atalanta" 28 oyundan sonra 58 xalla ikinci yerdədir. Aktivində 61 xal olan "İnter" zirvədə yer alıb.
