Idman.biz
"Yuri Vernidubun "Neftçi"də etimadı doğruldacağına inanıram".
Bu sözləri Ukraynanın "Dinamo" (Kiyev) klubunun akademiyasında çalışan Yuri Moroz "Neftçi"yə yeni baş məşqçi təyin olunan Yuri Vernidubla bağlı danışarkən deyib.
Ukraynalı mütəxəssis həmyerlisinin yaxşı taktiki düşüncəyə malik olduğunu bildirib.
"Rəhbərlik etdiyi komandaları fiziki hazırlıq və oyun strukturuna əsaslanaraq formalaşdırır. Həm komanda oyununu, həm də futbolçuların fərdi bacarıqlarını inkişaf etdirməkdə peşəkardır", - deyə o, AZƏRTAC-a açıqlamasında deyib.
Y. Moroz "Neftçi"nin yeni çalışdırıcısına uğur qazanmaq üçün vaxt lazım olduğunu vurğulayıb: "Neftçi" Verniduba çox güvənir. Sadəcə, indiyədək komandada sabitlik olmayıb. Əminəm ki, baş məşqçi etimadı doğruldacaq və nəticələr ard-arda gələcək. Hazırda hər kəsin beynində yaranan sual yalnız budur: uğur nə vaxt özünü göstərəcək? Bu sualın cavabını isə yalnız zaman verəcək".
Qeyd edək ki, "Neftçi" Yuri Vernidubla 1,5 illik müqavilə imzalayıb.
