Sport24.az
Ukraynalı mütəxəssis Yuri Maksimov "Kəpəz"də baş məşqçi postuna namizədlərdən biridir. Sport24.az bu barədə etibarlı mənbədən məlumat əldə edib.
Gəncə təmsilisinin Media və Marketinq Departamentinin direktoru Gəray Qiyasov bu məsələ ilə bağlı saytımıza açıqlama verib:
"Yalnız onu deyə bilərəm ki, namizədlər arasında yerli və xarici mütəxəssislər var. Amma hansısa adı açıqlamaq düzgün deyil".
Qeyd edək ki, "Kəpəz" daha əvvəl baş məşqçisi Adil Şükürovla vidalaşıb. "Sarı-göylər" çempionatda keçirdiyi ilk beş qarşılaşmada məğlub olub. Yuri Maksimov daha əvvəl 2017/2018 mövsümündə "Keşlə"də (hazırkı "Şamaxı") işləyib və komanda ilə Azərbaycan Kubokunun qalibi olub.
