Sport24.az
"Liverpul"un keçmiş baş məşqçisi Yurgen Klopp Almaniyada yeni futbol liqası yaratmaq planı üzərində işləyir. Sport24.az xəbər verir ki, bu barədə "Bild" məlumat yayıb.
Mənbənin sözlərinə görə, Klopp oyunçuların Bundesliqaya yüksəlməzdən əvvəl təcrübə qazanması üçün U-21 liqası yaratmaq niyyətindədir. O, bu layihə üzərində Markus Kröşe, Sami Xedira, Andreas Rettiq və Mark Lenz ilə birlikdə çalışır. Yeni liqa ideyasının gənc istedadların böyük komandalara yüksəlməsinin çətinliyi ilə bağlı artan narahatlıqlardan qaynaqlandığı deyilir.
Təşkilatçılar iddia edirlər ki, mövcud sistemin çatışmazlıqlarına bir sıra amillər daxildir: yalnız doqquz Alman akademiyası Avropanın ən məhsuldar 100 akademiya arasındadır. Avropanın top beş liqası arasında Bundesliqa klubları öz yetirmələrinə ən az güvənənlər arasındadır.
Qeyd edək ki, Klopp hazırda "Red Bull"da qlobal futbol rəhbəri vəzifəsini tutur.
