Sport24.az
"Xorvatlar Bakıya revanş üçün gəliblər".
Sport24.az xəbər verir ki, bu sözləri saytımıza eksklüziv açıqlama verən Azərbaycan millisinin sabiq üzvü, futbol mütəxəssisi Yunis Hüseynov deyib. Veteran oyunçu UEFA Konfrans Liqasının III təsnifat mərhələsində keçiriləcək "Zirə" - "Osiyek" matçında təmsilçimizin rəqib üzərində qələbəsi üçün maksimum təmkinli olmasının labüdlüyündən danışıb:
""Zirə" səfərdə son saniyələrdə vurduğu vacib qol sayəsində, hazırda psixoloji baxımdan rəqib üzərində üstünlüyə malikdi. Rəşad Sadıqovun yetirmələri oyuna yaxşı motivasiyayla çıxacaqlar. Buna baxmayaraq şanslar bərabərdi. Xorvatlar Bakıya revanş üçün gəlib. Zirəlilər maksimum ehtiyatlı, təmkinli və rəqibi yormaqla qələbə qazana bilər".
Qeyd edək ki, bu gün saat 20:00-daa başlayacaq qarşılaşma "Liv Bona Dea Arena"da oynanılacaq. Cütün qalibi pley-offda Kipr təmsilçisi "Omoniya" ilə üz-üzə gələcək.
ABDULLA İSMAYILOĞLU
