Sport24.az
"Milli bu gün mütləq qələbə qazanmalıdır. Qrupda dişimizə görə rəqib Estoniyadır. Amma indi hamı futbol oynaya bilir, Estoniyanı zəif saymayaq. Futbolçular dərk edir ki, iki məğlubiyyətdən sonra qalib gəlməlidirlər". Bu sözləri Sport24.az-a açıqlamasında Yunis Hüseynov bildirib.
Təcrübəli mütəxəssis yığmanın rəqibdən daha yaxşı formada olduğunu da vurğulayıb: "Slovakiya ilə oyun öncəsi əhval-ruhiyyənin yüksəlməsi üçün qalib gəlməliyik. Bu gün millimizindən qələbə gözləyirik. Estoniyanın Slovakiya ilə oyununa baxmışam. Texnikalı komanda deyil. Millimiz rəqibdən daha yaxşı formadadır və buna görə də bu gün qələbə gözləyirik".
Qeyd edək ki, bu gün keçiriləcək Estoniya - Azərbaycan görüşü Bakı vaxtı ilə saat 20:00-da başlayacaq.
