Sport24.az
""Sabah" ilk oyunda gözləntiləri doğrultmadı".
Bu sözləri Azərbaycan millisinin sabiq futbolçusu Yunis Hüseynov Sport24.az saytına danışarkən deyib. O, UEFA Konfrans Liqasının III təsnifat mərhələsi çərçivəsində olacaq "Sabah" - "Sent Patriks" görüşü barədə gözləntilərini bölüşüb:
""Sabah" ilk oyunda gözləntiləri doğrultmadı. Onlar həm oyun planında, həm də nəticədə rəqibə uduzdular. Baxmayaraq ki, İrlandiya təmsilçisinin heç də üstün tərəfləri yox idi. Ümid edirəm ki, Masazır kollektivinin baş məşqçisi komanda daxilindəki boşluqları və intizamsızlığı aradan qaldırmaqla futbolçuları oyuna çıxaracaq. Hazırda "bayquşlar"a özünəinam ən çox lazım olan amildi. Özünəinamla meydana çıxıb erkən qol vursalar hesab edirəm ki, uğurun ardı gələcək".
Qeyd edək ki, "Sabah" - "Sent Patriks" matçı bu gün saat 20:00da başlayacaq və "Bank Respublika Arena"da təşkil olunacaq.
ABDULLA İSMAYILOĞLU
