Sport24.az
"Çox acınacaqlı durumdur. Əsas milliyə aşağı yaşdan gəlməli olan futbolçu yoxdur. Samir Əliyevi qınamaq olmur. Futbolçuların səviyyəsi yaxşı deyil". Bu sözləri Sport24.az-a açıqlamasında Yunis Hüseynov bildirib.
Təcrübəli mütəxəssis Azərbaycanın U-21 millisinin Avropa çempionatının seçmə mərhələsinin son oyununda İngiltərə yığmasına 0:7 hesablı məğlubiyyətini şərh edib.
"Ümumilikdə 2 oyuna 12 top buraxmaq faciədir. Futbolçu meydana çıxanda dərk etməlidirlər ki, milli komanda üçün oynayır. AFFA tərəfindən bütün lazımi şərait yaradılıb. Oyunçular yığmanın qədrini bilməlidir. Sevinməlidirlər ki, mən ölkənin milli yığmasında oynayıram. Müsbət fikir deyə bilmirəm. Səhvləri düzəltmək lazımdı. Həyacan təbili çalıb, aşağı yaş futbolçulara diqqət etməliyik. İndiki U21-in üzvləri gələcəkdə əsas yığmamızın üzvləri olacaqlar".
Qeyd edək ki, U21 yığma komandamız F qrupunu 3 xalla sonuncu yerdə bitirib.
