Sport24.az
"Şerif" Moldovanın ən titullu təmsilçisi olmaqla yanaşı, zəngin avrokubok təcrübəsi var. Ancaq bu yay komandada xeyli dəyişikliklərin olması, Tiraspol klubuna təsir edib. Fikrimcə, "Zirə"nin qələbə qazanmasına baxmayaraq, oyun bərabər səviyyədə keçdi". Bu sözləri Sport24.az-a açıqlamasında Yunis Hüseynov deyib.
Təcrübəli mütəxəssis təmsilçimizin cavab qarşılaşmasında da qələbə qazanacağına inandığını bildirib: "Zirə" qol buraxmadan vacib qələbə qazandı. Düşünürəm ki, cavab görüşündə Rəşad Sadıqovun komandası meydana daha toparlanmış vəziyyətdə çıxıb Tiraspoldakı qələbənin davamını gətirəcək. İlk görüşdə qazanılan üstünlük futbolçularda arxayınlıq yaratsa da, bunun fəsadı ağır ola bilər. "Şerif " üçün itiriləsi heç nə yoxdu. Məncə, Moldova təmsilçisi cavab qarşılaşmasında daha aqressiv futbol nümayiş etdirəcək".
Qeyd edək ki, tərəflər arasında baş tutan ilk görüş "Zirə"nin 1:0 hesablı qələbəsi ilə yekunlaşıb. Cavab qarşılaşması iyulun 18-i "Liv Bona Dea Arena" gerçəkləşəcək. Qarşılaşmanın start fiti saat 20:00-da səslənəcək.
ABDULLA İSMAYILOĞLU
