Sport24.az
"Dünən "Zirə" çox səhvə yol verdi. Komandanın müdafiəsi ifliç vəziyyətdə idi. "Omoniya" isə meydan sahibi kimi istəyinə nail oldu". Bu sözləri Sport24.az a açıqlamasında Yunis Hüseynov deyib.
Mütəxəssis Kipr təmsilçisinin "qartallar"ı yaxşı analiz etdiyini, Rəşad Sadıqovun komandasının zəif cəhətlərindən maksimum istifadə etdiyni də bildirib: "Təmsilçimizin belə böyük hesabla məğlub olacağını gözləmirdim. Əksinə, zirəlilərin avrokubokdakı son 4 oyununu nəzərə alaraq, onların Vətənə sərfəli nəticə ilə dönəcəyini gözləyirdim. Amma görünən odu ki, Kipr təmsilçisi "Zirə"ni yaxşı analiz etmişdi, komandanın zəif nöqtələrini bilirdi. Meydan sahibləri Rəşad Sadıqovun futbolçularına boşluq vermədilər. Rəqibin heyətində səviyyəli oyunçuların yer aldığını vurğulamaq lazımdı. İndi "Zirə" cavab matçı üçün toparlanmalı və ən azı doğma publika önündə uduzmamaq üçün mübarizə aparmalıdı".
Qeyd edək ki, "Zirə" – Omoniya" matçı avqustun 29-da "Dalğa Arena"da keçiriləcək.
ABDULLA İSMAYILOĞLU
