Report.az
İsveç yığmasının baş məşqçisi Yon Dal Tomasson vəzifəsindən göndərilib.
"Report" xəbər verir ki, bu barəıdə İsveç Futbol Federasiyasının mətbuat xidməti məlumat yayıb.
Buna səbəb İsveç millisinin qeyri-qənaətbəxş nəticələri olub. DÇ-2026-nın seçmə mərhələsində B qrupunda yer alan İsveç millisi ötən gün baş tutan Kosovo ilə matçda məğlub olub - 0:1.
Beləliklə İsveç yığması qrupda keçirdiyi 4 oyunda 1 xal toplayaraq sonuncu, 4-cü yerdə qərarlaşıb. Turnir cədvəlində 10 xalla İsveçrə yığması başçılıq edir. Kosovo (7 xal) ikinci, Sloveniya isə (3 xal) üçüncü pillədə yer alıb.
Qeyd edək ki, 49 yaşlı danimarkalı mütəxəssis 2024-cü ilin martından İsveç yığmasına rəhbərlik edirdi.
