Almaniya millisinin idman direktoru Rudi Völler komandanın baş məşqçisi Yulian Naqelsmannı nəzəri olaraq kimin əvəz edə biləcəyi barədə sualı cavablandırıb. Sport24.az xəbər verir ki, o, Naqelsmannın millidən ayrılacağı təqdirdə baş məşqçi vəzifəsinə əsas namizədin "Liverpul"un sabiq çalışdırıcısı Yurgen Klopp olacağını söyləyib:
"Yulian Naqelsmann nə vaxtsa millidən ayrılmağa qərar verərsə, təbii ki, biz Yurgen Kloppun namizədliyini nəzərə alacağıq. Klopp uzun müddət Almaniyadan kənarda işləyib. Təbii ki, onu yüksək qiymətləndirirəm. Yurgen Kloppun inanılmaz karyerası olub".
Qeyd edək i, Klopp hazırda heç bir komandanı çalışdırmır. Onun son klubu "Liverpul" olub. Mütəxəssis 2015-ci ildən baş məşqçilik etdiyi İngiltərə təmsilçisindən bu yay ayrılıb.