İdman.biz
19 yaşadək futbolçulardan ibarət Azərbaycan millisi növbəti oyununu keçirib.
İdman.biz xəbər verir ki, yığmamız Avropa çempionatının seçmə mərhələsinin VII qrupunda son matçına çıxıb.
İslandiyadan iki, İrlandiyadan dörd cavabsız qol buraxan Elxan Abdullayevin yetirmələri Moldovadakı turnirin meydan sahibləri ilə görüşüb.
Millimiz matçın ilk yarısında Həsən Nəzərlinin qolları ilə üstünlük qazansa da, fasilədən sonra hesabı qoruya bilməyib – 2:2. Meydandan bir xalla ayrılan komanda qrupda sonuncu yeri tutaraq seçmə mərhələ ilə vidalaşıb.
Qeyd edək ki, turun digər matçında İrlandiya İslandiyaya qalib gəlib – 2:1.
U-19-lar arasında AVRO-2025-in seçmə mərhələsi
VII qrup
III tur, 19 noyabr
Moldova – Azərbaycan – 2:2
Qollar: Nikolae Sula, 55, Ovidiu David, 90+7 - Həsən Nəzərli, 15, 45+1
Baş hakim: David Dikinson (Şotlandiya)
"Zimbru" stadionu
| 1 | İrlandiya | 3 | 2 | 1 | 0 | 6-1 | 7 |
| 2 | İslandiya | 3 | 2 | 0 | 1 | 4-2 | 6 |
| 3 | Moldova | 3 | 0 | 2 | 1 | 2-3 | 2 |
| 4 | Azərbaycan | 3 | 0 | 1 | 2 | 2-8 | 1 |
İdman.biz
