Sport24.az
"Bərabər səviyyəli oyun gedirdi. Kim birinci qol vuracaqdısa, o da qalib gələcəkdi. Tovuzdakı matçla müqayisədə bu oyunda yaxşı oynamadıq". Bu sözləri Sport24.az-a "Kəpəz"in kapitanı Yeqor Xvalko "Səbail"ə məğlub olduqları oyunu şərh edərkən deyib.
Təcrübəli futbolçu "Kəpəz"in Premyer Liqada qalmaq şansları barədə danışıb:
"Qarşıda bizi çempionatın 17 oyunu gözləyir. Hər matçda xal qazanmağa çalışırıq. İnanırıq ki, mövsümün sonunda hər şey istədimiz kimi olacaq".
Belaruslu futbolçu növbəti turdakı "Sabah"la qarşılaşma barədə də fikirlərini bölüşüb:
"Sabah"la oyuna qələbə üçün çıxacağıq. Rəqibin gücünü bilirik. Amma bizim də üç xala ehtiyacımız var. Bu görüşdə qalib gəlmək üçün hər şeyi edəcəyik. "Sabah"la əvvəlki iki oyun gərgin məcrada keçmişdi. Məncə, bu dəfə də eynisini görəcəyik".
Qeyd edək ki, "Kəpəz" - "Sabah" matçı yanvarın 31-də baş tutacaq. Oyunun start fiti saat 16:00-da səslənəcək.
