Idman.biz
"Kəpəz"lə müqaviləm bitib. Mənə yeni sözləşmə təklif etməyiblər".
İdman.biz xəbər verir ki, bu sözləri Sport24.az-a belaruslu futbolçu Yeqor Xvalko deyib.
28 yaşlı müdafiəçi karyerası ilə durumun hələlik bəlli olmadığını söyləyib:
"Mövsümün sonunda söhbətimiz olmuşdu. Rəhbərlik mənimlə müqavilə bağlamaq istədiklərini dedi. Amma ondan sonra hansısa yenilik olmadı".
Xvalko bir neçə klubun onunla maraqlandığını söyləyib: "Seçimlər var. Amma hələlik heç kim rəsmi müqavilə təklif etməyib. "Kəpəz"də qalmaq istəyirdim. Axı üç ildir bu komandada idim. Amma idman həyatında belə şeylər olur.
Oyunçu "bəlkə yeni baş məşqçi Adil Şükürovun planlarına daxil deyilsiniz" sualını bu cür cavablayıb: "Bilmirəm. Bəlkə də məni istəmir. Təklif olsa, ilk olaraq karyeramı Azərbaycanda davam etdirməyi nəzərdən keçirəcəyəm. Çünki özümü burada rahat hiss edirəm, ölkəyə öyrəşmişəm".
İdman.biz
