Sport24.az
İspaniyanın "Barselona" klubu yenilənmiş "Kamp Nou" stadionunun görüntülərini yayıb. Sport24.az xəbər verir ki, bir ildən çox davam edən yenidənqurma prosesindən sonra komanda dekabrda doğma meydanına dönəcək.
Yenidənqurma işləri təxminən 1,5 milyard avroya başa gəlib. Stadionun tutumu 99 354-dən 106 000 nəfərə qədər artırılıb. Bütün yatırım məşhur musiqi platforması "Spotify"a adidir. Bu səbəblə stadionun adının "Spotify Nou-Camp" adlandırılacağı söylənilir. Arenanın bütün tribunaları qoruyan açılıb-bağlanan damı da olacaq.
Qeyd edək ki, Kataloniya təmsilçisi yenidənqurma işləri ilə əlaqədar ev oyunlarını Barselonadakı Olimpiya stadionunda keçirir.
