Sport24.az
"Mançester Siti"nin və "Barselona"nın sabiq yarımmüdafiəçisi Yaya Ture hazırda dünyanın ən yaxşı futbolçusunun adını çəkib. Sport24.az xəbər verir ki, Ture "Liverpul"un futbolçusu Məhəmməd Salahın 2025-ci ildə "Qızıl top"a ən real namizəd olduğunu bildirib:
"Digər futbolçulara hörmətsizlik etmək istəmirəm, amma Salah dünyanın ən yaxşısı adlandırılmağa layiqdir. İnsanlar sabitlikdən danışırlar. Mən bir mövsümdən sonra bəzi oyunçuların həddən artıq qiymətləndirildiyini görmüşəm. Amma bu adam uzun illər sabit və yüksək səviyyədə oyun nümayiş etdirir".
Qeyd edək ki, "Liverpul"un misirli hücumçusu cari mövsümdə Premyer Liqada meydana çıxdığı 28 matçda 25 qol vurub və 17 məhsuldar ötürmə edib.
