Sport24.az
"Qarabağ"da çıxış edən Yassin Benzia yeniyetməlik dövründə Almaniyanın "Bavariya" klubunda oynamaqdan imtina edib. Sport24.az xəbər verir ki, bu barədə əlcəzairli yarımmüdafiəçinin qardaşı Mustafa Benzia yerli mətbuata müsahibəsində bildirib.
O, Yassin Benzianın 15 yaşında Münhen təmsilçisində oynamaq imkanı əldə etdiyini söyləyib:
"Bavariya" klubu bir həftəlik baxışdan sonra onu saxlamaq istəsə də, Benzia imtina etdi. Almaniyanın havasını sevmirdi. Soyuq idi. O yaşda, 15 yaşında mühiti bəyənmədi. Nəhayət, "Lion"a baxışa yollandı və orada da bəyənildi".
Qeyd edək ki, "Qarabağ"la müqaviləsi bitən Benzianın Tunisin "Esperance" klubuna keçəcəyi gözlənilir.
