Idman.biz
Səudiyyə Ərəbistanı Liqasının 7-ci turunda "Qarabağ"ın sabiq futbolçusu Yasin Benzianın çıxış etdiyi "Əl-Feyha" səfərdə "Əl-Nəsr"lə qarşılaşıb.
İdman.Biz-in məlumatına görə, Kriştianu Ronaldonun dubl etdiyi qarşılaşmada meydan sahibləri 2:1 hesabı ilə qalib gəlib.
Matçdan sonra Benzia ulduz futbolçu Ronaldo ilə görüşüb. Görüş zamanı onun əlində "Qarabağ"ın oyunçusu Toral Bayramova məxsus əlcəklər olub və bu detal diqqətdən yayınmayıb.
Qeyd edək ki, Benzia "Qarabağ"dan "Əl-Feyha"ya transfer olunarkən Toral ona öz əlcəklərini hədiyyə edib. Yasin hər oyunda həmin əlcəklərdən istifadə edir. O, bu dəfə də sözügedən əlcəklə Ronaldonun əlini sıxıb.
Toral Bayramov isə sosial şəbəkə hesabında paylaşım edərək Ronaldoya "toxunan" əlcəklərini göstərib.
