Sport24.az
"Limit ləğv olundu. Bu addımı yavaş-yavaş atmaq lazım idi. Əlavə olaraq çempionatda 12 komanda olacaq. Hələ bilinmir bir komanda düşəcək, üçü gələcək və ya iki komanda gələcək". Bu sözləri Sport24.az-a açıqlamasında Yaşar Vahabzadə deyib.
Misli Premyer Liqasında 2025/2026-cı illər mövsümündən legioner limitinin ləğvi qərarına münasibət bildirən təcrübəli mütəxəssis millinin futbolçularının klublarında oynamaq baxımdan əziyyət çəkəcəklərini bildirib:
"Artırılırsa, bölgə klubları olmalıdır. Düzdür, limitin ləğv olunması nəticəsində yerli futbolçularla legionerlərin rəqabəti artacaq. Bilinmir yerli oyunçular buna nə qədər hazırdı. Komanda sayı artdı, yerli futbolçular digər klublarda oynamaq imkanı yaranacaq. Ola bilər milli komandanın bəzi futbolçuları klublarında oynamaq baxımdan əziyyət çəksinlər. Gələcək göstərəcək bu qərar bizə xeyir verəcək, ya yox. Qərara əsasən komandalar öz planlarını quracaqlar. Bu gün büdcəsi az olan klub "Kəpəz"dir. Onların heyətində belə 10 legioner var. Növbəti mövsümdə elitada çıxış edəcək 12 komandanın demək olar hamısında legionerlərin sayı çox olacaq".
Qeyd edək ki, İcraiyyə Komitəsinin dünən keçirilən iclasında növbəti mövsümdən Premyer Liqada legioner limitinin ləğv olunması ilə bağlı qərar qəbul olunub.
