Sport24.az
"Qarabağ" gözlənildiyi kimi, səviyyəsini göstərdi". Bu sözləri Sport24.az-a açıqlamasında Yaşar Vahabzadə deyib.
Təcrübəli mütəxəssis UEFA Çempionlar Liqasının II təsnifat mərhələsində səfərdə İrlandiya təmsilçisi "Şelburn"a 3:0 hesabı ilə qalib gələn "Qarabağ"ın oyunu haqqında danışıb:
"Komanda həm təcrübədə, həm oyun quruculuğunda, həm də fərdi ustalıqda rəqibini tam üstələdi. Oyunun ilk dəqiqələrindən etibarən təşəbbüsü ələ alan Ağdam təmsilçisi rəqibin zəif müdafiə xəttindən ustalıqla istifadə etdi. Oyundan öncə "Şelburn"un rəhbərliyi iddialı açıqlamalar verirdi. Fikirləşirdik ki, rəqib iddialıdır, gücünə arxayındır, "Qarabağ"a başağrı olacaqlar. Amma Qurban Qurbanovun komandası göstərdi ki, ustalıq səviyyəsi rəqibdən çox üstündür. Buna görə də böyükhesablı qələbə qazandı. Qurban Qurbanov oyundan sonra açıqlamasında bildirib ki, cütün taleyi həll olunmayıb. Mənə görə əksinədir, "Qarabağ" artıq növbəti mərhələyə vəsiqəni təmin edib. Bakıda da "Şelburn"u məğlub edəcəyik".
Qeyd edək ki, komandalar arasında cavab qarşılaşması iyulun 30-da Tofiq Bəhramov adına Respublika stadionunda olacaq.
