Sport24.az
"Omoniya"nın hücum xəttinin güclü olduğu açıq-aşkar görünürdü. Bunu ötən il "Zirə" ilə oyunda da hiss etmişdik". Bu sözləri Sport24.az-a açıqlamasında Yaşar Vahabzadə deyib.
Təcrübəli mütəxəssis ötən gün"Araz-Naxçıvan"ın Bakıda Kipr təmsilçisi "Omoniya"ya 0:4 hesabı ilə uduzduğu UEFA Konfrans Liqasının III təsnifat mərhələsinin ilk oyunu ilə bağlı fikirlərini bölüşüb:
"Araz-Naxçıvan" komanda şəkilində zəif müdafiə olundu. Futboldur, belə matçlar qaçılmazdır. Bundan sonra komanda gərək toparlansın, Kiprdəki oyuna psixoloji cəhətdən yaxşı hazırlaşın. Bu matçı unutmaq lazımdır".
O, həmçinin Konfrans Liqasının 3-cü təsnifat mərhələsində "Sabah"ın səfərdə Bolqarıstan "Levski"sinə məğlubiyyəti də (0:1) şərh edib:
"Sabah" bərabər səviyyədə oyun sərgilədi. Bir az hücum xəttində dəqiqlik olsaydı, qol vurmağı bacaracaqdılar. Son saniyələrdə konsentrasiyanı itirdilər. Ola bilər ki, bu da yorğunluqdan irəli gəldi. Bu dueldə hələ heç nə bitməyib. Cavab matçında "Sabah" qalib gələ bilər".
Qeyd edək ki, tərəflər arasında cavab matçı avqustun 14-də keçiriləcək.
