Sport24.az
"Oyunu iki hissəyə bölmək olar. İlk yarıda "Turan Tovuz" pis çıxış etmirdi. Amma komandamızın ikinci qolunun sayılmamasını əsassız hesab edirəm". Bu sözləri Sport24.az-a açıqlamasında "Turan Tovuz"un İdarə Heyətinin üzvü Yaşar Sultanov qərb təmsilçisinin "Sabah"a məğlub olduğu oyunla bağlı fikirlərini bölüşərkən deyib.
Sultanov matçda qalmaqala səbəb olan hakim qərarı barədə də danışıb:
"VAR-da oturan hakimin günahı çox böyükdür. Xətti top ayaqda olanda çəkirlər. Niyə ötürmə anını çəkmirlər? "Bank Respublika Arena" tilsimlənmiş meydançadır. Ötən mövsüm də künc zərbəsindən sonra vurulan qolu hesaba almadılar. Penaltı epizoduna gəldikdə isə, qapıçının heç bir günahı yoxdur, topa toxunmuşdu. Penaltidən söhbət belə gedə bilməz. Həyatımda hakimlər haqqında danışmamışam, əksinə müdafiə etmişəm. Komandanı sındırmaq olmaz. VAR daha diqqətli olmalıdır".
Qeyd edək ki, Premyer liqanın XXI turu çərçivəsində keçirilən oyunda "Turan Tovuz" səfərdə "Sabah"a 1:2 hesabı ilə məğlub olub.
