Sport24.az
"Turan Tovuz"da 5-6 vacib futbolçu sıradan çıxıb. Bunların hamısı üst-üstə düşdü. Yerdə qalanlarla isə alınmır. Yaşananlar son turlarda nəticələrə birbaşa təsir göstərir. Müvəqqəti olaylardır. Mövsümün sonunda komandamız istəyinə çatacaq". Bu sözləri Sport24.az-a açıqlamasında "Turan Tovuz"un İdarə Heyətinin üzvü Yaşar Sultanov deyib.
Sultanov Misli Premyer Liqasının 29-cu turu çərçivəsində "Səbail"lə oyunda fanatlarla Veysəl Rzayev arasında yaşanan insindentə də toxunub:
"İstənilən halda azarkeşlə futbolçu arasında qarşılıqlı nəzakət olmalıdır. Heç bir azarkeşə haqq verilməyib ki, futbolçunu təhqir eləsin və ya əksinə. Heç bir futbolçu da azarkeşin üstünə hücum edə, təzyiq göstərə bilməz. Ədəbsiz hərəkətdir. Rəhbərlik tez bir zamanda reaksiya verdi".
Futbol funksioneri "Turan Tovuz"un növbəti turda qarşılaşacağı "Sabah"la oyunu "6 xallıq matç" kimi dəyələndirib:
"Məncə, azarkeşlərə zövq verəcək qarşılaşma olacaq. Hər iki komanda üçün vacib oyundur. "Turan Tovuz"un doğma meydanda qələbə qazanacağına inanıram".
Qeyd edək ki, Tovuz klubu ardıcıl 5 oyundu qalib gələ bilmir. "Boz qurdlar" 15 mümkün xaldan yalnız ikisini aktivinə yazmağı bacarıb.
