Sport24.az
"Kəpəz"dən ayrılandan sonra Azərbaycandan başqa təklif almamışam. Niyəsini mən də bilmirəm". Bu sözləri Sport24.az-a açıqlamasında belaruslu futbolçu Yeqor Xvalko deyib.
Müdafiəçi Azərbaycanda çıxış etmək istədiyini də söyləyib:
"Ölkənizdən heç kim mənimlə əlaqə saxlamayıb. Belarusdan təkliflar var. Klubun adını çəkə bilmərəm. Amma hələlik qayıtmaq istəmirəm. Daha bir müddət legioner həyatı yaşamaq niyyətindəyəm. Hazırda fərdi məşq edirəm. Necə olacağını birlikdə görəcəyik".
Qeyd edək ki, "Kəpəz" Xvalkonun başa çatan müqaviləsini yeniləməyib.
