Sport24.az
"Mançester Siti"nin baş məşqçisi Xosep Qvardiola İngiltərə Premyer Liqasının 29-cu turunda "Brayton"la oyunda (2:2) futbolçularının çıxışını dəyərləndirib. Sport24.az xəbər verir ki, matçda Özbəkistan millisinin 20 yaşlı mərkəz müdafiəçisi Abdukodir Xusanov ("Mançester Siti") avtoqola imza atıb Bununla da hesab bərabərləşib (2:2).
Qvardiola matçdan sonra bildirib: "Jeremi (Doku) inanılmaz dərəcədə təhlükəli idi. Omar (Marmuş) çox yaxşı oynadı, qol vurdu və məhsuldar ötürmə verdi. Ruben (Diaş) və Xusa (Abduqodir Xusanov) möhtəşəm idilər. Ümumilikdə hər şey yaxşı idi. İkinci hissəyə 2:1 hesabı ilə başladıq və əla fürsətlər yaratdıq. Oyunun sonunda konsentrasiyanı itirdik, bir səhv buraxdıq və rəqib hesabı bərabərləşdirdi. Belə hallar olur".
