Report.az
İspaniyanın "Real" klubunun sabiq futbolçusu Xulio Baptista Madrid təmsilçisinə qayıdır.
"Report" "Marca"ya istinadən xəbər verir ki, 43 yaşlı keçmiş yarımmüdafiəçi klubun gənclərdən ibarət komandasının baş məşqçisi postunda Alvaro Arbeloanı əvəzləyəcək.
Arbeloa isə "Real"ın ikinci komandasının baş məşqçi postundan ayrılacağı açıqlanan Raul Qonsalesin yerini tutacaq.
Baptista məşqçi kimi daha əvvəl "Valyadolid"də çalışıb. O, müxtəlif yaş qruplarından ibarət komandalara, həmçinin əvəzedicilərə rəhbərlik edib.
Qeyd edək ki, X.Baptista 2005-2008-ci illərdə "Real"ın formasını geyinib. O, Madrid təmsilçisinin heyətində İspaniya çempionu olub və Superkuboku qazanıb.
