Sport24.az
"Mançester Yunayted", "Çelsi" və Argentina millisinin keçmiş yarımmüdafiəçisi Xuan Sebastian Veron altı ay müddətinə bütün futbol fəaliyyətindən kənarlaşdırılıb. Sport24.az xəbər verir ki, bu barədə Argentina Futbol Assosiasiyası (AFA) mübahisəli bir hadisədən sonra qadağa tətbiq edib.
Yerli mətbuatda yayılan xəbərə görə, hazırda "Estudiantes"in prezidenti olan Veron komandasının oyunçularına çempionluq dəhlizi zamanı rəqibləri "Rosario Sentral"a arxa çevirməyi əmr edib.
Qeyd edək ki, "Rosario Sentral" pley-offdan əvvəl Apertura və Klausuradan topladığı xalların cəminə əsasən Argentina çempionu elan edilib. Əvvəllər isə bu qərar yalnız Libertadores Kubokunda tətbiq olunurdu.
