Sport24.az
Argentina millisinin sabiq baş məşqçisi Xose Pekerman Lionel Messinin İspaniya millisində oynamasının qarşısını necə aldığını açıqlayıb. Sport24.az xəbər verir ki, argentinalı mütəxəssis "Marca"ya açıqlamasında gələcəyin ulduzunun həmin dövrdə İspaniya yığmasında çıxış etməyə çox yaxın olduğunu deyib:
"Messinin sənədləri İspaniya yığmasında çıxış etməsi üçün hazırlanmışdı. O, U-20 millisinə çağırılmaq üzrəydi. Bunu eşidən kimi hərəkətə keçdim. Həmin vaxt Argentina U-17 millisinin baş məşqçisi olan Hugo Tokalliyə tapşırdım ki, Messini təcili yoldaşlıq oyununa çağırsın. Məqsəd Lionelin adının FIFA siyahısında argentinalı futbolçu kimi rəsmiləşdirilməsi idi. Biz Messini İspaniyanın əlindən belə aldıq".
