Idman.biz
"Matça yaxşı başladıq. Təəssüf ki, ikinci hissədə bunun ardını gətirə bilmədik".
İdman.Biz bildirir ki, bu sözləri "Turan Tovuz"un müdafiəçisi Xorxe Silva Azərbaycan Premyer Liqasının VIII turunda "Qarabağ"a 1:2 hesabı ilə məğlub olduqları oyunu şərh edərkən deyib.
Portuqaliyalı müdafiəçi Ağdam klubunun gücünü vurğulayıb: "Oyuna yaxşı başladıq və fasiləyə yaxın hesabda önə keçdik. Təəssüf ki, ikinci hissədə üstünlüyümüzü davam etdirə bilmədik. Fasilədən sonra müdafiəyə yönəlmək məcburiyyətində qaldıq, bu isə yaxşı hal deyil. Ancaq "Qarabağ"ın gücünü də nəzərə almaq lazımdır; bu komandaya qarşı 90 dəqiqə eyni tempdə oynamaq çox çətindir".
O, növbəti qarşılaşmalarda daha yaxşı nəticə göstərəcəklərinə ümid etdiyini bildirib: "Yalnız "Qarabağ"la deyil, digər favoritlərə qarşı da oyunlar asan olmur. Azərbaycan çempionatında rəqabət yüksəkdir və hər matç çətin keçır. Buna baxmayaraq, növbəti oyunlarda daha yaxşı çıxış edəcəyik və buna inanıram".
