Sport24.az
Misli Premyer Liqasının III turunun "Sabah" – "İmişli" oyunundan (0:1) sonra qonaq komandanın baş məşqçisi Xorxe Kaskilya jurnalistlərin suallarını cavablandırdı. Sport24.az xəbər verir ki, mütəxəssis əvvəlcə görüşlə bağlı fikirlərini bildirdi…
– Oyunçularımı təbrik edirəm, böyük iş gördük. Bugünkü qələbə əziyyətimizin bəhrəsidir. İlk hissə çox çətin oldu. "Sabah" yüksək pressinq tətbiq edirdi. Onların qol vurmaq istəyinin qarşısını aldıq. Əks-hücumlara bel bağladıq. Qol da vura bilərdik. Almeyda üzbəüz epizodu boşa verdi. İlk hissə çox çətin keçdi. Fasilədən sonra da oyun ağır oldu. "Sabah" yüksək pressinqlə qol axtarışında idi. Fiziki cəhətdən buna hazır idik və yaxşı müdafiə olunub, hücumlara çıxdıq. İlk qolumuzu üçüncü turda vurduq. Qolun vurulması vacib idi. Qoldan sonra daha sərbəst oynamağa başladıq. Qoldan sonra qələbəni hiss edib, daha motivasiyalı oynadıq.
– Üç turdan sonra demək olar, ritmi yaxalamısınız. Qarşıdan fasilə gəlir. Bu, necə təsir edəcək?
– Ritmi saxlamaq üçün yoxlama oyunu keçirəcəyik. Detalları bilmirik, amma oyun olacaq.
