İdman.biz
Azərbaycan vitse-çempionu "Zirə" Konfrans Liqasının III təsnifat mərhələsində "Osiyek"lə üz-üzə gələcək.
İdman.biz xəbər verir ki, bu Azərbaycan və Xorvatiya klubları arasında 3-cü avrokubok dueli olacaq.
Həm "Zirə", həm də "Osiyek" ilk dəfə belə qarşılaşmada iştirak edəcək. Əvvəlki duellərdə rəqib eyni olub.
Zaqreb "Dinamo"su iki dəfə Çempionlar Liqasında təmsilçimizlə görüşüb. 2007/08 mövsümündə I təsnifat mərhələsində "Xəzər Lənkəran" yalnız səfərdəki əlavə vaxtda rəqibinə uduzub - 1:1, 1:3 (əlavə vaxtda).
Dörd il sonra Çempionlar Liqasının II təsnifat mərhələsində "Neftçi" "Dinamo" ilə görüşüb. Xorvatiyalılar yenə evdəki qələbə ilə tur adlayıb - 3:0, 0:0.
Qeyd edək ki, "Zirə"nin bu gün "Osiyek"lə səfərdə keçirəcəyi ilk matç Bakı vaxtı ilə saat 22:00-da başlayacaq.
Vüqar Xeyrullayev
İdman.biz
