Sport24.az
"Birinci hissədə yaxşı oynadıq". Sport24.az xəbər verir ki, bu sözləri Azərbaycan millisinin futbolçusu Xəyal Əliyev deyib.
Gənc oyunçu Belarusa 0:2 hesabı ilə uduzduqları yoldaşlıq matçı ilə bağlı fikirlərini bölüşüb:
"Öz səhvlərimizdən qapımızda qollar gördük. Ümumi komanda olaraq yaxşı oynadıq"
İlk dəfə yığmaya dəvət alan Əliyev toplanışın yaxşı keçdiyini sözlərinə əlavə edib: "Bəzi səbəblərdən bu qarşılaşmalarda uduzduq. İnşallah, gələcəkdə daha yaxşı olacaq, qələbələr qazanacağıq"
O, millidəki təcrübəli oyunçuların onlara köməklik etdiyini də vurğulayıb: "Bu, yaxşı təcrübə idi. Əsas milliyə ilk dəfə dəvət alırdım. Baş məşqçiyə təşəkkür edirəm. Start heyətində də mənə şans verdi. Məncə, şansdan yaxşı istifadə etdim".
